Komunikim më të shpeshtë, si dhe angazhim të rritur për mbështetje për ndërtim të kapaciteteve të Agjencisë për Zbulim sot kërkuan anëtarët e Komisionit kuvendor për mbikëqyrje mbi punën e Agjencisë për Zbulim (AZ) dhe Drejtoria për Siguri dhe Kundërzbulim (DSK) dhe kuadri udhëheqës i Agjencisë për Zbulim.
Siç njoftuan nga AZ, anëtarët e Komisionit gjatë vizitës në Agjenci janë interesuar për sfidat e sigurisë me të cilat ballafaqohet Republika e Maqedonisë në pjesën e përcaktimeve strategjike, kanosjet globale dhe emigrimin ilegal.
Deputetët kanë konstatuar se është e domosdoshme nevoja për avancim plotësues të kornizës ligjore të lidhur me ndjekje strategjike të komunikimeve, si dhe Ligjit për Agjencinë për Zbulim, me qëllim të kompatibilitetit dhe efikasitetit më të madh para sfidave të reja globale dhe strategjike të sigurisë.
“Kuadri udhëheqës i AZ-së, para anëtarëve të Komisionit i ka prezantuar të gjithë segmentet nga sfidat aktuale të sigurisë ndaj Maqedonisë dhe rajonit, përgatitjet për implementim të obligimeve të cilat dalin nga anëtarësimi i plotfuqishëm në NATO, këmbimi i informatave me institucionet-shfrytëzues të informatave në Republikën e Maqedonisë, strukturën e të punësuarve, të dalat buxhetore si dhe vështirësitë me të cilat ballafaqohet shërbimi”, qëndron në kumtesë.
(MIA)
