Në shkollat e mesme shtetërore të vendit sot dhe nesër do të realizohet afati i parë i nxënësve dhe regjistrimi për vitin shkollor 2018/2019 në afatin e qershorit.
Rang-listat me rezultatet nga regjistrimi dhe vendet e lira do të publikohen më 20 qershor. Testimi kualifikues do të organizohet më 22 qershor, ndërsa rang-listat përfundimtare me rezultatet do të publikohen më 25 qershor.
Afati i dytë dhe regjistrimi i nxënësve në qershor do të realizohet në datën 28, ndërsa rezultatet nga regjistrimi dhe vendet e lira do të publikohen ditën e ardhshme, më 29 qershor.
Sipas konkursit të cilin MASH e publikoi të martën, nxënësit mund të zgjedhin gjimnaze, arsim profesional (arsim teknik – me kohëzgjatje katërvjeçare, arsim profesional për zanate – kohëzgjatje tre vjeçare dhe dy vjeçare), arsim të mesëm të arteve dhe arsim të mesëm për nxënës me nevoja të veçanta.
Regjistrimi i nxënësve në afatin e gushtit do të jetë më 23 gusht.
(MIA)
