CIVIL – Qendra për Liri dje i ndau shpërblimet për tregimet më të suksesshme të gazetarëve qytetarë për dy muajt e kaluara.
Në fillim të ceremonisë së ndarjes së shpërblimeve, Xhabir Deralla, presidenti i Civlit i njoftoi të pranishmit me projektin Objektivi qytetar dhe mundësinë për kontributin e tyre në krijimin e ndryshimeve shoqërore.
Një nga katër shpërblimet i takoi gazetares qytetare Sofija Ilievska, për pyetjen e drejtuar Ministrisë së arsimit në lidhje me dhunën e shpeshtë mes nxënësve në shkollat e mesme.
Shpërblimi i dytë i takoi Suada Muratovës për foto tregimin “Mbeturina të hekurit e mbytën Shkupin”.
Hazize Jonuzi është fituesja e çmimit të tretë për informimin nga protestat në Reçicë të Vogël kundër ndërtimit të kazinos.
Çmimi i dytë kësaj here shkoi në duart e Meri Nikollova, për fotografinë tronditëse në burgun e Shtipit, në të cilën shihet se si familja dhe shokët e bartin trupin e pajetë të të burgosurit Erdall Jusinov.
Çmimi i parë i takoi Akif Karimanit, për informimin nga terreni në momentin kur rrënohej lagjja joligjore në Parkun Urban në Shkup. Ky tregim shkaktoi shumë reagime në opinion. Nj pjesë nga ato ishin edhe me shumë shprehje të urrejtjes dhe paragjykime ndaj Romëve, që ishte nxitje edhe për debatin e djeshëm të Civilit – “Kush i “rrotullon” Romët?”, kushtuar bashkësisë së Romëve dhe të drejtave themelore të njeriut.
Objektivi qytetar është projekt i Civilit i cili për tre vite me radhë u hap mundësi qytetarëve t’i publikojnë tregimet e tyre lirë dhe pa censurim. Projekti është i financuar nga National Endowment for Democracy.
