Gjykimi për lëndën e Prokurorisë Speciale Publike “Tortura” është shtyer për më 9 korrik për shkak tëm mospranisë së të akuzuarit Filip Atanasov.
Avokati i tij, Ljupço Shvërgovski parashtroi vërtetim mjekësor me shkrim nga enti shëndetësor “Medikal saport” me datë të djeshme ku shkruan se i akuzuari ka temperaturë të lartë dhe virozë.
Shvërgovski në Gjykatë parashtroi edhe vërtetim mjekësor për të akuzuarin e tretë Novica Stankovski, për sëmundjen e të cilit ishte shtyer seanca e kaluar.
Gjykatësja Aleksandra Ristevska paralajmëroi se kjo do të jetë shtyerja e fundit dhe tha se nga seanca e ardhshme do ta ndajë procedurën nëse dikush është i sëmurë, sepse, siç tha, kjo është në interes të të akuzuarve, të të dëmtuarit, prokurorëve, avokatëve mbrojtës dhe gjykatësit.
Në lëndën “Tortura” të akuzuar janë ish-drejtori i DSK-së, Sasho Mijallkov, ish- njeriu i parë i njësisë “Alfat” Ivica Antevski – Puki dhe pesë pjesëtarë të njësisë.
Prokuroria Speciale Publike i ndjekë për torturë dhe veprim tjetër brutal, jonjerëzor apo poshtërues dhe ndëshkim, për mënyrën e privimit nga liria e liderit të Të bashkuarve për Maqedoninë dhe ish-ministër i Punëve të Brendshme, Ljube Boshkovski, më 6 qershor të vitit 2011, një ditë pas zgjedhjeve të parakohshme parlamentare.
(MIA)
