Reformat në gjyqësor janë një ndër sektorët dominues në Planin 18, draft versionin e të cilit sot para sektorit qeveritar e prezantoi zëvendëskryeministri i angazhuar për Çështje Evropiane, Bujar Osmani.
Plani 18 edhe më tej do të fokusohet në shtyllat themelore të 3-6-9, ku përveç gjyqësisë janë edhe reformat në administratën publike dhe shërbimet e sigurisë, por do të drejtohet edhe në luftën kundër korrupsionit dhe krimit të organizuar, rolin e mediave, lirinë e shprehjes, rolin e shoqërisë civile, luftën kundër migrimit ilegal.
Planin sot Osmani do t’ia prezantojë edhe opozitës, e cila, si, tha duhet të përfshihet në këto procese të reformave.
“Sot kam takim edhe me opozitën, do t’ua prezantoj Planin dhe do të tentojmë t’i përfshijmë në proces, sepse ky projekt i BE-së nuk është as partiak, as qeveritar, ky është obligim i gjeneratave, të dhënë nga qytetarët e Republikës së Maqedonisë, pavarësisht nga përkatësia etnike apo partiake”, theksoi zëvendëskryeministri.
Sqaroi se me Planin 3-6-9 është bërë kornizë, janë aprovuar strategjitë me planet aksionale, me dhjetëra ligje të cilat duhet ta reformojnë sistemin, ndërsa me Planin e ri 18 vazhdon miratimi i ligjeve, por në të do të përmbahen të gjitha rekomandimet nga raporti i KE-së. Plani nuk do të fokusohet vetëm në kritere politike, por edhe në ekonomike.
“Plani 3-6-9 me sukses na e solli rekomandimin e pastër të nëntë për fillimin e negociatave, por ne qartë ua bëmë me dije se reformat nuk i kuptojmë dhe vetë procesi i sjelljes së masave, por si proces thelbësor në transformimit të shoqërisë në atë evropiane, me qëllim që qytetarët të jetojnë në vlera evropiane”, thotë zëvendëskryeministri.
Theksoi se hapi më i mirë i ardhshëm pas Planit 3-6-9 nuk është fillimi i Planit 12, por fillimi i negociatave dhe hapjen e kapitujve 23 dhe 24.
“Ky muaj është më i rëndësishmi, i cili do ta caktojë fatin e shtetit në këtë drejtim dje dhe pardje në Bruksel hartohet propozim konkluzionet, të cilat duhet të sillen në Samitin e qershorit të BE-së”, theksoi Osmani.
Sqaroi se që mos të krijohet hendek midis Planit 3-6-9 dhe fillimit të negociatave këtë javë është lëshuar Plani 18, i cili duhet ta mbulojë periudhën nga përfundimi i planit 3-6-9 deri në raportin e ardhshëm të KE-së. (MIA)
