Deri në mes të qershorit pritet të lëshohet rruga nga Negotina deri në Demir Kapi, ndërsa nga fillimi apo fundi i gushtit aksi i kundërt nga Demir Kapia deri në Negotinë.
Drejtori i Ndërmarrjes Publike për Rrugë Shtetërore Zoran Kitanov sot deklaroi se janë bërë 6,5 kilometra nga gjithsej 8,5 kilometra nga Negotina deri në Demir Kapi, por se në këtë kas për momentin punohet në largimin e rrëshqitjes së madhe të dheut.
“Për momentin e sanojmë rrëshqitjen e dheut në mënyrë më të shpejtë sa është e mundur dhe do të duhet deri në mes të qershorit të lëshohet plotësisht. Ndërkohë është mbyllur traseja nga Demir Kapia deri në Negotinë dhe rehabilitohen tetë e gysmë kilometra që të mundet nga fillimi apo fundi i gushtit të lëshohet në përdorim”, tha Kitanov, duke u përgjigjur në pyetjen e gazetarëve.
Për rrugën nga Shkupi deri në Bllacë, drejtori Kitanov theksoi se bëhet fjalë në projektin dhe paralajmëroi se ai do të jetë i tenderuar dhe i bërë. Nuk saktësoi termin kur do të fillonin aktivitetet ndërtimore.
“Rruga projektohet dhe do të tenderohet dhe do të bëhen. Ndërkohë Ndërmarrja Publike për Rrugë Shtetërore në programin e saj e vendosi edhe rehabilitimin e rrugës ekzistuese”, theksoi Kitanov. (MIA)
