Kuvendi i Kosovës të mërkurën ka miratuar një rezolutë përmes së cilës kërkohet që të hiqen kontrollet në pikat kufitare me Shqipërinë. Megjithatë, sipas njohësve të integrimeve evropiane, kjo rezolutë është në kundërshtim me rekomandimin e Komisionit Evropian për kontrolle të dyfishta kufitare të dhënë në vitin 2015 në kuadër të procesit të liberalizimit të vizave, njofton korrespondenti i MIA-s nga Prishtina.
Gazeta “Zëri” publikoi sot se pikërisht në kohën kur vendi është çdo ditë e më shumë afër vendimit për heqjen e vizave Kuvendi i Kosovës ka miratuar një rezolutë e cila është në kundërshtim më rekomandimin e ekspertëve të Bashkimit Evropian.
Megjithatë, pohojnë ekspertët, edhe kjo, si edhe rezoluta për heqjen e roamingut me Shqipërinë, të miratuar të njëjtën ditë, do ta përjetojë të ardhmen e ish-rezolutave të Kuvendit, përkatësisht – nuk do të zbatohet.
(MIA)
