Shtatëdhjetë milionë denarë, në vend deri tani 66 milionë denarë, do të ndahen nga të ardhurat e lojërave të fatit për financim të programeve të aktiviteteve të organizatave kombëtare dhe invalidore, shoqatave dhe asociacioneve të tyre, shoqatave për luftë kundër dhunës familjare dhe Kryqit të Kuq, të cilat ndahen përmes Ministrisë së Punës dhe Politikës Sociale (MPPS), informon sot zëdhënësi i qeverisë , Mile Boshnjakovski.
Me informacionin për ndryshime të programit vjetor për financim të aktiviteteve programore të miratuara në seancën e parmbrëmshme të Qeverisë, do të financohen aktivitete programore shtesë të Kryqit të Kuq, i cili do ta implementojë projektin “pushim dhe rekreacion pa pagesë të fëmijëve nga familje me rrezik social, fëmijë shfrytëzues të shtesës së veçantë dhe të drejtave tjera”.
Deri tani këtë aktivitet e realizonte Ministria e Punës dhe Politikës Sociale, shpallej tender në të cilin lajmëroheshin operatorë ekonomikë. Me ndryshimin janë ndarë mjete shtesë për Kryqin e Kuq, i cili nga radha e ardhshme do ta organizojë këtë aktivitet”, sqaroi Boshnjakovski.
Organizata do të sigurojë shërbime për strehim për shfrytëzuesit dhe vullnetarëve për mbështetje të realizimit të projektit. (MIA)
