Ligji për gjuhët do të dërgohet në Gazetën Zyrtare në kohë përkatëse, përsëriti sot kryetari i Kuvendit, Talat Xhaferi në takimin me gazetarët, duke potencuar se ajo nuk është detyrë e tij individuale, por se bëhet fjalë për vendim që duhet ta sjellë koalicioni.
I pyetur se cila është pengesa që ligji të dërgohet në Gazetën Zyrtare Xhaferi tha se “bëhet fjalë për çështje institucionale, ndërsa jo individuale”.
“Duhet të gjendet formë e realizimit përfundimtar”, tha kryetari i Kuvendit.
Sipas Xhaferit, përderisa shumica prej 61 deputetëve votojnë shpërbërje të Kuvendit, ai është i detyruar të shpallë zgjedhje, por konsideron se zgjedhje të parakohshme parlamentare nuk duhet të ketë duke i pasur parasysh çështjet serioze për të cilat vendoset në vend.
“Nuk mund të parashikoj nëse do të ketë zgjedhje të parakohshme, megjithatë në një shtet serioz ku pritet të ndodhin punë serioze nuk do të duhej as të mendohej për atë. Nëse dikush mendon për atë, ajo do të ishte dëshirë politike e ngushtë partiake. Nëse mendohet si shtet edhe për të ardhmen e qytetarëve atëherë askush nuk duhet të mendojë për zgjedhje”, tha Xhaferi.
Në takimin me gazetarët ai tha se më 11 qershor mund të pritet në rend të ditës të seancës së 47-të të vendoset propozim-kodi etik i harmonizuar i Parlamentit, publikimi i shpalljeve për zgjedhje të anëtarëve të KSHZ-së, sipas modelit të vjetër, ndërsa e mundur është edhe zgjedhja e zëvendësministrit të Arsimit.
Xhaferi tha se deri të hënën grupi i punës duhet të përbëjë ndryshime dhe plotësime të Rregullores për punë të Kuvendit tashmë me çështjet e harmonizuara dhe se deri në korrik mund të pritet partitë të arrijnë harmonizim përfundimtar për to.
Lidhur me vendet e zbrazëta në trupat e pavarur si Komisioni për antikorrtupsion Xhaferi tha se një pjesë të kompetencave i ka edhe Komisioni për çështje të zgjedhjeve dhe emërimeve, por që propozime të anëtarëve të rinj mund të japin edhe deputetët ose Qeveria. (MIA)
