Ministria e Arsimit dhe Shkencës informoi se në kuadër të projektit për përmirësimin e ushqimit të fëmijëve në institucionet parashkollore dhe shkollat fillore, i cili organizohet në bashkëpunim dhe me mbështetjen e UNICEF-it, është përmirësuar përmbajtja e Rregullores të standardeve për ushqim dhe për racionet ushqimore në shkollat fillore.
Është përgatitur udhëzim për zbatim të drejtë të saj, ndërsa shtesë është formuar edhe mjet elektronik i cili mundëson kontroll të cilësisë së ushqimit për të vegjlit.
Rregullorja dhe mjetet elektronike janë siguruar për udhëheqësit dhe personat përgjegjës në shkollat fillore, në drejtim të planifikimit të përshtatshëm të ushqimit i cili ka rëndësi të veçantë për rritjen dhe zhvillimin e duhur psikofizik të fëmijëve. Ato janë në dispozicion në linkun në vazhdim:
“Apelojmë të respektohen dhe në mënyrë të drejtë të zbatohen rregullat të cilat i përcaktojnë vlerat referuese për energji dhe konsum ushqimor, japin rekomandime për llojet e ushqimeve, për mënyrat e përgatitjes, rekomandime për numër dhe orarin e vakteve dhe rekomandime për ushqimin i cili duhet të tejkalohet ose të konsumohet më rrallë, sepse ajo është mënyra e vetme për të parandaluar paraqitjen e kequshqyerjes, mbipeshë dhe sëmundje të tjera kronike të lidhura me ushqimin e fëmijëve”, kumtoi MASH.
Ministria pret që organet për kontroll në zbatimin e ligjit në praktikë, në kuadër të mbikëqyrjeve dhe kontrolleve të rregullta, do të përgatisin kryesisht raporte pozitive, ku nuk do të ketë lëshime apo do të jenë minimale. (MIA)
