Ndryshimi i Kushtetutës është parakusht për zgjidhje, po edhe obligim ndaj sundimit të ligjit, për shkak se Marrëveshja ndërkombëtare pa ndryshime kushtetuese mban edhe përgjegjësi për kryeministrin e vendit fqinj, konsideron presidenti i Greqisë Prokopis Pavlopulos.
Duke iu drejtuar presidentes së Estonisë Kersti Kaljulajd, presidenti grek tha se nevojitet marrëveshje për emrin me garanci konkrete që do të eliminojë irredentizmin, sepse “Greqia nuk mund të tolerojë të ekzistojnë tensione irredentiste dhe thyerje të historisë”. Por, më me rëndësi për Athinën sipas Pavlopulos, është ndryshimi kushtetues.
“Vendi ynë fqinj duhet të ndryshojë Kushtetutën, Kushtetuta e atij vendi sot përmban emër, siç është i njohur, nuk është i pranueshëm. Ajo duhet të ndryshojë. Ky ndryshim i Kushtetutës është parakusht themelor dhe e dini përse është parakusht themelor? Sepse, ne vendet anëtare të Bashkimit Evropian dhe të NATO-s, jemi shtete demokratike që e respektojmë sundimin e ligjit. Si të tolerojmë një shtet dhe kryeministri i tij të nënshkruajë marrëveshje dhe të ratifikojmë këtë marrëveshje, që është në kundërshtim me Kushtetutën? Çfarë shembulli të japim? Në çfarë drejtimi e shtyjmë kryeministrin? Të firmosë marrëveshje ndërkombëtare që e shkel vetë Kushtetutën dhe vetë do të ketë përgjegjësi”, tha presidenti grek në fillim të takimit me homologen e tij nga Estonia, e cila qëndron për vizitë dyditore në Greqi.
Siç raportoi korrespondentja e MIA-s nga Athina, deklarata e Prokolis Pavlopulos nga Athina dhe porositë në lidhje me bisedimet për emrin ishin në të njëjtën kohë me takimin e kryeministrit të Maqedonisë dhe Greqisë, Zoran Zaev dhe Aleksis Cipras në Sofje.
(MIA)
