Zgjidhje e plotë me emër erga omnes dhe ndryshim kushtetues janë parakushtet për marrëveshje midis Maqedonisë dhe Greqisë, sipas liderit të opozitës greke, Demokracisë së Re, Kiriakos Micotakis, i cili gjendet në Sofje në Samitin e partive popullore evropiane.
“Zgjidhja e problemit me emrin, duhet të jetë e tërësishme, por edhe një zgjidhje. Ndërsa si parakusht të domosdoshëm e ka, jo vetëm erga omnes, por edhe ndryshimin kushtetues në vendin fqinj. Edhe ky ndryshim kushtetues është një parakusht për zgjidhje, nga i cili vendi ynë nuk mund të lëshojë pe asnjë milimetër”, thotë Micotakis, dhe shton se aspirata strategjike e Greqisë është hyrja e vendeve të Ballkanit Perëndimor në BE dhe NATO, por duhet paraprakisht të plotësohen kushtet, ndërsa si të rëndësishëm, ai i përmend marrëdhëniet e mira fqinjësore.
Siç njoftoi korrespondentja e MIA-s nga Athina, lideri i Demokracisë së Re, këto qëndrime, lidhur me çështjen e emrit dhe perspektivën evropiane të Ballkanit Perëndimor, ia ka transmetuar kryeministrit bullgar në takimin e djeshëm, në suaza të samitit të partive popullore evropiane.
Kirjakos Micotakis dhe Bojko Borisov, kanë biseduar për rajonin por edhe për çështjen e emrit.
(MIA)
