Seanca kryesore për lëndën “Lëndina” e PSP-së ku të akuzuar janë Dragan Pavlloviq Llatas, Sërgjan Pavlloviç dhe Xvezdan Pavlloviq do të mbahet më 27 qershor pasi që në seancën e sotme të pandehurve me kërkesën e tyre u janë dorëzuar transkriptat nga audio bisedat sipas të cilave udhëhiqet aktakuza.
Gjykatësja Marija Kletniçka tha se mbrojtësit e të pandehurve më 7 maj kanë dorëzuar kërkesë për t’i marrë transkriptat nga audio bisedat, ndërsa më 9 maj prokurorët kanë dorëzuar edhe dëshmi shtesë me shkrime nga komuna dhe fatura të cilat gjykatësi fillimisht nuk i pranoi sepse ishin kopje, por i akuzuari Llatas tha se do t’i dorëzojë ato në origjinal.
Lënda “Lëndina” ka të bëjë me ndërtimin e paligjshëm të shtëpive në Zelenikovë, në të cilën i akuzuari i parë është Dragan Pavlloviq-Llatas.
Nga PSP shprehin dyshime për veprime penalo-juridike të tre personave për ndërtimin e tre shtëpive të paligjshme në Zelenikovë pa pasur leje për ndërtim.
Sipas dëshmive të cilat i posedon PSP, midis të cilave edhe pamje satelitore, ekspertizë, si dhe dokumentacionin tjetër, këto tre shtëpi kanë filluar të ndërtohen në vitin 2011, ndërsa miratim për ndërtimin e tyre është marrë në vitin 2013 kur ka mbaruar ndërtimi i tyre.
(MIA)
