Edhe komunat të kthehen nga tërheqja e mjeteve IPARD pasi që Programi mundëson realizimin e numrit të madh të projekteve të vogla prej 10.000, 20.000 dhe 50.000 euro, u tha në konferencën e sotme për menaxhimin dhe shfrytëzimin e fondeve të BE-së në Odën Ekonomike të Maqedonisë.
Sipas ambasadorit slloven Milan Jazbec, nuk është e lehtë të vihet drejt parave evropiane pasi që procedurat janë komplekse dhe të komplikuara në aspektin burokratik. Që këtu nevojiten njohuri të domosdoshme por edhe ndihmë konkrete në terren.
“Muajin e ardhshëm në Maqedoni do të vijë një ekip slloven i cili do t’i bart përvojat tona, do të mundësojë nou-hau i cili i nevojitet Maqedonisë për shfrytëzimin efikas të fondeve të BE-së”, theksoi Jazbec.
Drejtori i Agjencisë Pagesore i Maqedonisë, Nikollçe Babovski tha se më së miri është vendi të fokusohet në bërjen e një produkti të mirë, cilësor dhe konkurrues i cili do t’i mundësojë edhe industrisë përpunuese të tërheq më shumë para.
Siç informoi Babovski, për IPARD 2 deri më tani janë nënshkruar mbi 100 kontrata për më shumë se 4,6 milionë euro bashkëfinancim, më së shumti në industrinë për përpunim dhe për ripërtëritjen e mekanizimit bujqësor.
Drejtori paralajmëroi se për një apo një muaj e gjysmë do të shpallet thirrje e re.
Maqedonia deri në vitin 2020 i ka në dispozicion gjithsej 80 milionë euro për bujqësinë prej të cilave 60 milionë para evropiane dhe 20 milionë mbështetje vendore.
(MIA)
