Akademia e Shkencave dhe Arteve e Maqedonisë sot pasdite do ta promovojë botimin “Bisedë me Omer Kaleshin, Shkup – Stamboll – Paris” nga akademiku Luan Starova.
Promotor i librit do të jetë akademiku Ferid Muhiç, me fjalim përshëndetës promovimin do të hap kryetari i ASHAM-it, Taki Fiti, ndërsa fjalim do të kenë edhe artisti Kaleshi dhe autori i librit Starova.
ASHAM në prill të vitit të kaluar e hapi ekspozitën e veprave të piktorit shqiptar nga Maqedonia dhe karrierë botërore Omer Kaleshi, i cili para katër vite fitoi edhe Medalje për meritë për Maqedoninë nga kryetari Gjorgje Ivanov.
Omer Kaleshi është lindur në fshatin Sërbicë të Kërçovës, në vitin 1932. Arsimin e mesëm e ka kryer në shkollën teknike në Shkup, ndërsa në vitin 1956 ka emigruar në Turqi. Në vitin 1965 ka përfunduar studimet në Akademinë e artit në Stamboll. Është shpërngulur në Paris ku ai ende jeton dhe punon. Ka realizuar numër të madh të ekspozitave në Maqedoni dhe në mbarë botën. (MIA)
