Organizata sindikale Gjyqësi në Gjykatën Themelore Shkup 1 kërkon me përfaqësuesin e tij të kyçet në Trupin për reforma në gjyqësi.
Në letrën e dërguar deri tek Trupi për reforma në gjyqësi përshëndetet fillimi me punë i këtij trupi, por nënvizohet se nuk ka përfaqësues i cili do t’i përfaqësojë interesat e nëpunësve gjyqësorë.
“Në këtë trup për reforma në gjyqësi nën mbështetjen personale të kryeministrit të Qeverisë së RM-së, u gjet vend për gjykatës, individë kryetarë të gjykatave, ekspertë, avokatë, ka edhe gazetarë, avokati i popullit etj, por nuk ka ftesë për nëpunësit gjyqësorë të cilët i përbëjnë 85 për qind të të punësuarve në gjykata për të cilët bëhen këto reforma dhe ndryshimet eventuale duhet t’i zbatojnë”, thuhet në letrën e cila sot është dërguar në media.
Nga sindikata theksojnë se duhet të bëhen reforma të vërteta për përmirësimin e sistemit gjyqësor dhe propozojnë të vihet sistem anglosakson.
Që atje propozojnë që vendimi gjyqësor i sjellë njëherë të jetë gjithmonë i zbatueshëm që të shmanget përzgjedhja në sjelljen e vendimeve gjyqësore.
Kërkohet edhe statusi special i Gjykatës Themelore Shkup 1 në sistemin gjyqësor, si edhe status më i mirë i të punësuarve, kushte më të mira për punë, beneficione dhe të ardhura të rritura. (MIA)
