Ministri i Shëndetësisë, Venko Filipçe sot deklaroi se specializantët privatë të regjistruar në konkursin e janarit të vitit 2018, në qershor do të marrin rrogën e majit.
Gjenerata e re e specializantëve privatë kërkoi trajtim të njëjtë për të gjithë specializantët, deri në zgjidhjen stabile dhe të vërtetë afatgjate për të gjithë të prekurit.
“Për ne mjekët në specializim privat, të cilët çdo ditë të ardhshme kalojnë pa rrogë paraqet frustracion shtesë”, theksuan specializantët të cilët sot mbajtën konferencë shtypi para Ministrisë së Shëndetësisë.
Ministri i Shëndetësisë, Filipçe, i cili erdhi në pres, theksoi se specializantët më nuk do të punojnë pa para.
Ai theksoi se në Maqedoni ka deficit të mjekëve, respektivisht vendi ka nevojë për mbi 380 mjekë në brendësi dhe rreth 150 në Shkup.
“Nëse një specializant privat punësohet në institucion shtetëror, ajo e ndërmerr specializimin”, sqaroi Filipçe. (MIA)
