Ne kemi besim tek Maqedonia se do të na bashkangjitet në familjen evropiane. Këtë sot e tha ambasadori francez në Maqedoni Kristian Timonie në MPJ, ku me prezantim u shënua Dita e Evropës-9 Maji.
“Mirëserdhët në klub sepse ju e kaluat testin, keni bërë një hap të dukshëm me rekomandimin e pakushtëzuar. Por, ajo është vetëm fillim i një rrugëtimi. Mirëserdhët në klubin për diskutime i cili gjithashtu e paraqet BE-në”, tha Timonie.
Dita e Evropës, siç tha, është një ditë e madhe për të gjithë ne dhe në të ardhmen e afërt do të jetë ditë e përbashkët. Franca ju mbështet në këtë rrugëtim.
Sekretari i përgjithshëm i Ministrisë të Punëve të Jashtme Viktor Dimovski informoi se gjatë këtij viti shënohet 25 vjetori nga vendosja e raporteve diplomatike midis Maqedonisë dhe Francës. U falënderua për bashkëpunimin e shkëlqyer me Francën, ndërsa veçanërisht me ambasadën e Francës në Shkup.
“Mbështetja dhe partneriteti me Francën për rrugën tonë evropiane dhe euroatlantike janë veçanërisht të rëndësishme dhe besoj se jubileun tjetër do të festojmë së bashku në familjen e madhe evropiane”, tha Dimovski.
Prezantimin e temës “Bashkimi Evropian dhe identiteti kombëtar kushtetues” e bëri profesori i të drejtës kushtetues pranë Universitetit Bordo Ferdinand Melan-Sukramanien. Ai e prezantoi rastin francez në kuadër të BE-së.
Prezantimin e organizuan Akademia diplomatike e MPJ të Republikës së Maqedonisë dhe Ambasada e Francës. (MIA)
