Rreth tetë mijë kompani do të mund t’i përmbushin kushtet për shfrytëzimin e mbështetjes financiare qeveritare, vlerësoi sot ministrja pa portofol e angazhuar për Investime të Huaja Zorica Apostollska.
Sipas Apostollovkës, numri fillestar i kompanive të cilat mund t’i shfrytëzojnë mjetet nga shteti ka qenë shtatë mijë, por me lehtësimin e mundësisë ligjore që kaloi në Kuvend, numri të paktën nga perspektiva e tanishme, do të arrijë tetë mijë.
Duke u përgjigjur në pyetjen e gazetarëve para prezantimit të mbështetjes financiare qeveritare në Odën Ekonomike të Maqedonisë, ministrja i konfirmoi paralajmërimet e kryeministrit Zoran Zaev se intensivisht po negociohet me kompani të huaja për investim në Maqedoni.
“Mes kompanive ka edhe italiane, kryesisht nga fusha e pajisjes mjekësore. Ka edhe shtete të tjera. Intensivisht po negociohet edhe atë shumë seriozisht”, potencoi Apostollovska. (MIA)
