Prej ditës së djeshme mediat në Kosovë flasin për një vizitë të kryeministrit Ramush Haradinaj në luginën e Preshevës.
Në lidhje me këtë reagoi edhe ministri i Brendshëm i Serbisë, Nebojsha Stefanoviç.
Ai ka paralajmëruar arrestimin e Haradinajt nëse shkon në Preshevë.
“Gjykata jonë është përgjegjëse për të. Urdhri mbetet në fuqi dhe ai patjetër që do të arrestohet”, ka thënë Stefanoviç për “Kurir”.
Haradinaj akuzohet nga Serbia për “krime lufte”, edhe pse është liruar dy herë nga gjykata e Hagës.
Kryeministri i Kosovës ishte arrestuar vitin e kaluar në Kolmar të Francës, por më pas u lirua.
Kërcënimet për arrestimin e Haradinajt vijnë sidomos pas arrestimit të Gjuriçit në Mitrovicë pak kohë më parë.
Burimi: MIA
