Ministri i Financave Dragan Tevdovski e ndau vizionin për treg të integruar të kapitalit në rajon, në fjalimin e tij në Konferencën EuroFi 2018 që po mbahet në Sofje. Tevdovski ishte pjesë e panelit “Zhvillimi i tregut financiar rajonal për Evropën Juglindore”, kumtoi Ministria e Financave.
Në drejtim të realizimit të vizionit për treg të integruar të kapitalit është edhe krijimi i platformës SEE Link për tregtim, gjegjësisht bursa rajonale, ku pritet përfshirjen edhe të dy vendeve të rajonit.
Sa i përket për Maqedoninë, ministri i Financave Tevdovski theksoi se lëshimi i instrumenteve të reja si bonoja 30-vejaçare, kontribuojnë në lëvizjen e tregut të kapitalit.
Tevdovski përkujtoi se në Ministrinë e Financave po përgatiten ligje të reja për letra me vlerë, me të cilat legjislacioni i Maqedonisë plotësisht harmonizohet me atë të Bashkimit Evropian.
Hap i rëndësishëm për zhvillimin e tregut të kapitalit është edhe formimi i Këshillit për Zhvillim të Tregut të Kapitalit. Ministri Tevdovski kryeson me këtë Këshill, ku janë të anëtarësuar përfaqësues të institucioneve financiare në vend.
Maqedonia për herë të parë merr pjesë në këtë konferencë të organizuar në suaza të kryesimit të Bullgarisë me Këshillin e BE-së. Në konferencë morën pjesë edhe ministra të financave të vendeve të BE-së, anëtarë të Komisionit Evropian, guvernatorë të bankave qendrore të organizatave financiare ndërkombëtare dhe përfaqësues të sektorit financiar.
Krahas Tevdovskit, panelistë të konferencës janë edhe ministrat e financave të Bullgarisë, Luksemburgut, Italisë, Lituanisë, Greqisë dhe Belgjikës.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
