Pjesëtarët e Sektorit për mbrojtjen e personave ose objekteve të caktuara të njohur si Drejtoria e Gjashtë sot morën uniforma të reja zyrtare.
Ministri i Punëve të Brendshme Oliver Spasovski i promovoi uniformat, duke theksuar se MPB-ja në bazë të furnizimeve publike ka siguruar 464 palë veshmbathje civile për burra dhe 39 për gra. Çmimi i një palë veshmbathje është 5.560 denarë pa TVSH, ndërsa MPB-ja për të gjitha uniformat ka shpenzuar 3.299.680 denarë.
“Tashmë një kohë të gjatë nuk ka pasur kurrfarë uniformash jo vetëm për Drejtorinë e Gjashtë, por edhe për të gjithë pjesëtarët e policisë. Qëllimi është që të avancohen standardet e punës profesionale të të gjithë sektorëve në MPB, ndërsa Drejtoria e Gjashtë është sektor i cili ka lloj specifik të detyrave dhe MPB-ja është e obliguar të mbajë llogari për të gjitha aspektet nga puna e tyre”, tha Spasovski.
Shtoi se në Ministrinë i paraprijnë edhe shumë detyra dhe aktivitete jo vetëm në aspektin materialo-teknik, për edhe në drejtim të ngritjes së profesionalitetit, organizimit dhe punës sistematike të Ministrisë.
Burimi: MIA
