Në mënyrë të hollësishme e shqyrtuam Raportin e KE-së i cili ka të bëjë edhe me sektorin tonë. Posaçërisht është me rëndësi përparimi i vlerësuar, posaçërisht në pjesën e sigurisë së ushqimit. Janë potencuar edhe gjendjet në Programin IPARD ku me të vërtetë njemi të fokusuar, me qëllim të rritjes së kapaciteteve të Agjencisë pagesore, tha sot ministri i Bujqësisë, Pylltarisë dhe Ekonomisë së Ujërave, Ljupço Nikollovski.
Këto ditë, shtoi, filluan me punë njerëz të rinj në Agjenci, ndërsa deri në fund të vitit do të vazhdojmë me rritjen e plotë të kapacitetit të saj të personelit profesional.
“Deri në fund të vitit do t’i akreditojmë edhe masat e reja të cilat do të thonë hapje të mundësive të reja. Për dy konkurset e reja në vijim deri në fund të vitit 2018 shohim t’i mënjanojmë të gjitha pengesat administrative dhe të tjera të cilat ekzistuan në periudhën e kaluar dhe ishin barrierë për procesuimin e përshpejtuar të aplikimeve”, potencoi ministri, duke iu përgjigjur pyetjeve të gazetarëve pasi që e mori donacionin në automjete dhe TI pajisje nga BE-ja.
Gëzon fakti, theksoi, që në mënyrë drastike është rritur interesi për IPARD, duke pasur parasysh se në konkursin e parë nga IPARD 2 të publikuar vitin e kaluar janë parashtruar mbi 1.600 kërkesa.
“Politika fitosanitare do të jetë gjithashtu një nga segmentet në të cilat do të fokusohemi dhe të cilat janë vlerësuar si një nga dobësitë për një periudhë më të gjatë kohore. Por, punojmë intensivisht edhe në sjelljen e rregullativës së re ligjore në fitofarmacinë dhe aktet nënligjore. Në përgjithësi, në sektor do t’i ndjekim të gjitha rekomandimet që na u dhanë nga KE-ja”, tha Nikollovski, duke nënvizuar se kapacitetet e MBPEU-së do të jenë maksimalisht të kahëzuara drejt bujqësisë, zhvillimit rural dhe shfrytëzimit të fondeve të BE-së.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
