Thirrjen me të cilën kompanitë vendore do të mund të konkurrojnë për mbështetje financiare me masat nga shtylla e tretë e Planit qeveritar për rritje ekonomike do të shpallet të mërkurën e ardhshme, paralajmëroi sot zëvendëskryeministri për Çështje Ekonomike Koço Angjushev.
Siç potencoi, gjatë thirrjes, pas së cilës do të pasojnë edhe të tjera për këtë dedikim, kompanitë do të mund të aplikojnë për marrjen e financave.
Të martën në seancë qeveritare ishin shqyrtuar rregulloret me kriteret e shpërndarjes së financave të planifikuara për mbështetje të firmave, në vlerë prej 10,5 milionë euro, me çfarë janë krijuar kushte për shpalljen e thirrjes.
Siç paralajmëroi paraprakisht drejtori i Fondit për Inovacione dhe Zhvillim Teknologjik (FIZHT) Jovan Despotovski, thirrja do të zgjasë 45 ditë, ndërsa evaulimi i projekteve të firmave duhet të përfundohet deri në 60 ditë. Me shtyllën e tretë nga Plani qeveritar mbështetje më të madhe financiare është paraparë me masën numër tre për mbështetje të zhvillimit të produkteve dhe shërbimeve inovative.
Sipas paralajmërimeve, zbatimin e masave nga Plani qeveritar do ta ndjekë grupi i punës me përfaqësues nga Kabineti i Angjushevit, FIZHT, Ministria e Ekonomisë dhe tri odat ekonomike.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
