Në Gjykatën Penale sot vazhdoi seanca gjyqësore për lëndën e Prokurorisë Speciale Publike “Dhunë në komunën Qendër”, në të cilën dëshmi duhet të japin dy dëshmitarë.
Në seancën gjyqësore marrin pjesë të gjithë të akuzuarit, mbrojtësit e tyre me përjashtim të Millan Andonovit dhe Mitko Peçkov, të cilët janë avokatët e Nikolla Gruevskit dhe Mile Janakieskit.
Mbrojtja para gjykimit dorëzoi kërkesë për përjashtimin e këshillit gjyqësor.
Të akuzuarit në këtë rast, ish-kryeministri Nikolla Gruevski, ish-ministri i Transportit dhe Lidhjeve Mile Janakieski, deputetja e VMRO-DPMNE-së Daniella Rangellova si edhe nëntë persona të tjerë para Gjykatës u prononcuan se nuk ndjehen fajtorë.
Në seancat paraprake për këtë lëndë, fajin e pranuan i akuzuari i katërt Tomisllav Llazarov dhe i akuzuari i pestë Jordan Ristevski dhe morën dënime me kusht.
Të akuzuarit në lëndën “Dhunë në Qendër” ngarkohen për nxitje të dhunës që ndodhi gjatë protestave para komunës Qendër në qershor të vitit 2013.
Burimi: MIA
