Deri në fund të vitit do të publikohet konkursi për sipërmarrës të rinj të cilët dëshirojnë të fillojnë biznes personal. Pesë më të mirët do të fitojnë nga 4.000 euro.
Këtë e parasheh projekti rajonal “Qendra Ballkanike-Mesdhetare për inovacione dhe sipërmarrje” ku përveç Maqedonisë, janë përfshirë edhe Bullgaria, Greqia, Shqipëria dhe Kosova.
Siç deklaroi sot projekt menaxheri Aleksandar Filipovski, të përzgjedhurit më të mirë dhe më inovativë në konkurs, nga fillimi deri në mes të vitit 2019 do të kalojnë cikël intensiv të trajnimit dhe mentorimit i cili do të përmbyllet në qershor me shpërndarjen e grandeve.
Konkurset target me të cilët mund të aplikohet janë turizmi, trashëgimia kulturore, teknologjitë informative, mjedisi jetësor, ekologjia dhe agro biznesi.
Në kuadër të projektit, do të hapet edhe ueb shkollë e cila do të mësojë sipërmarrësit e rinj se si të udhëheqin biznes përmes materialeve për trajnim, kurse, video dhe mjete të tjera të dobishme.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
