Në Kuvendin e Republikës së Maqedonisë sot seanca do të mbajnë komisionet për çështje të zgjedhjeve dhe emërimeve dhe Komisioni ligjdhënës-juridik.
Në rend dite të Komisionit për çështjet e zgjedhjeve dhe emërimeve janë Propozim-vendimi për shkarkim dhe emërim të kryetarit dhe anëtarëve të Këshillit për ndarjen e çmimit shtetëror “11 Tetori”, Propozim – vendimi për shkarkimin dhe emërimin e kryetarit dhe anëtarëve të Këshillit për ndarjen e çmimit shtetëror “Nënë[ Tereza”.
Anëtarët e Komisionit duhet ta shqyrtojnë edhe Propozim – vendimin për shkarkim dhe emërim të kryetarit dhe anëtarëve të Këshillit për ndarjen e çmimit shtetëror “Shën Klimenti i Ohrit”.
Komisioni ligjdhënës-juridik, ndërkaq, do të debatojë rreth Propozim – ligjit për mbështetje financiare të investimeve, Propozim- ligji për ndryshimin dhe plotësimin e Ligjit për Inspektoratin tregtar shtetëror, Propozim-ligjin për ndryshimin dhe plotësimin e Ligjit për bujqësi dhe zhvillim rural, si dhe Propozim -ligjin për ndryshimin dhe plotësimin e Ligjit për konsolidim të tokës bujqësore, të gjitha në lexim të parë.
Burimi: MIA
