Bllagica Dimitrovska nga Shoqata për promovim dhe zhvillim të shoqërisë inkluzive “Inkluziva” nga Kumanova, e nxitur nga fjalimet e përfaqësuesve të Qeverisë dhe pushtetit lokal, si folës në konferencën e Civilit “Karta qytetare – Korniza globale për pjesëmarrje qytetare”, deklaroi se personat me aftësi të kufizuara jetojnë mizorisht në Republikën e Maqedonisë, sepse është qytetare nga ato që karakterizohen si grup i margjinalizuar, gjegjësisht, se ajo është prind i personit me aftësi të kufizuar.
“Çështja e personave me aftësi të penguara duhet urgjentisht të zgjidhet. Prindërit e tyre kujdesen par ata 24 orë, dhe nuk kanë asnjë mbështetje ligjore…Ligjet na detyrojnë t’i vendosim nëpër institucione, ndërsa procesi i deinstitucionalizimit zbatohet nga viti 2000. Kërkojmë konsultime me organizata qytetare që punojnë në këtë fushë, dhe jo me organizata që ekzistojnë kohë të gjatë he paraqiten si organizata invalidore. Ato marrin nga buxheti i shtetit, ndërsa nuk punojnë asgjë në nivel lokal”, theksoi Dimitrovska.
“Karta Qytetare – Çfarë ka për mua këtu?” është pilot projekt përmes të cilit Civili do të vazhdojë me promovimin e Kartës Qytetare në një mënyrë të ndryshme. Qëllimi i këtij projekti është që palët e prekura në shoqërinë qytetare, pushtetit lokal dhe qendror, mediat, biznes komunitetet dhe partitë politike të njihen me Kartën Qytetare dhe të diskutojnë për miratimin dhe shfrytëzimin e këtij dokumenti, si dhe mundësitë për bashkëpunim dhe partneritet.
Projekti “Karta Qytetare – Çfarë ka për mua këtu?” është i mbështetur nga Qendra Ndërkombëtare për shoqëri qytetare.
Biljana Jordanovska
Kamera: Atanas Petrovski
Montazhi: Ermin Klimenta
Përpunimi i tekstit: Diana Tahiri
