Qendra nacionale konservatore (QNK) sot mori pajisje teknike – donacion nga Agjencia turke për bashkëpunim dhe zhvillim – TIKA.
Për nevojat e Qendrës, TIKA dhuroi 26 kompjuterë, shtatë printerë dhe bekap-serverë. Donacionin e dorëzoi Ajtekin Ajden, koordinator i TIKA-s për Republikën e Maqedonisë dhe e pranoi drejtori i QNK Memet Selmani, në prani të ministrit të Kulturës, Robert Allagjozovski.
Ministri tha se ky donacion është dëshmi për bashkëpunimin e mirë dhe mbështetjen nga TIKA dhe Turqia në të gjitha sferat, e sidomos në mbrojtje të trashëgimisë kulturore.
“Konsiderojmë se pikërisht ky donacion do ta rrisë kapacitetin e Qendrës nacionale konservatore të mundet më me sukses ta realizojë këtë rol. TIKA është partner i përkushtuar dhe ndihmës i madh i Maqedonisë dhe ne presim se ky partneritet strategjik do të vazhdojë dhe se do të hyjmë edhe në bashkëpunime tjera”, tha Allagjozovski, duke shtuar se planifikojnë që në vitet e ardhshme t’i risin investimet për furnizimin e pajisjes teknike.
Drejtori i Qendrës nacionale konservatore Memet Selmani u falënderua për pajisjen e dhuruar dhe tha se kjo do ta avancojë punën e tyre. Përkujtoi në ndihmën nga TIKA në vitet e kaluara.
“TIKA është partneri ynë shumë vjeçar dhe mbështetës financiar i më shumë projekteve të rëndësishme në sferën e konservimit dhe ristaurimit të trashëgimisë kulturore nga periudha osmane në territorin e Maqedonisë. Kishte edhe mirëkuptim të plotë për një projekt të këtillë ndryshe për ripërtëritje të pajisjes së vjetruar dhe pjesa më e madhe jofunksionale kompjuterike në institucionin tonë”, tha Selmani.
TIKA është organizatë e Qeverisë së Turqisë, e cila në Shkup ka zyra 13 vite. Koordinatori për Republikën e Maqedonisë, Ajtekin Ajden theksoi se funksionojnë në shumë fusha, ndërsa për këtë donacion, tha është vendosur me qëllim që të mbështetet proces punues i QNK dhe zhvillimi i kapacitetit të tij.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
