Prokurorët publikë Ferat Elezi, Bashkim Besimi, Xhelal Bajrami dhe Ismail Dardhishta vlerësojnë se me rikualifikimin e rastit për Almirin janë shkelur parimet themelore të Ligjit për Prokurori Publike, të cilat njëkohësisht janë edhe vlerat themelore të Kushtetutës së R.M.
Në kumtesën për mediat, e nënshkruar nga katër Prokurorët, thuhet:
“Lidhur me rastin e njohur në opinion si “rasti i Almirit te vogël” ne Prokurorët Republikanë dëshirojmë ta njoftojmë opinion e gjerë se me rastin e rikualifikimit të veprës penale “Vrasje” e paraparë ne nenin 123, alineja 2 pika 3 ( Kodi penal i RM)në vepër penale nga sfera e komunikacionit të paraparë në nenin 300 alineja 2 lidhur me nenin 297 alineja 1 (Kodi penal i RM) si vepër e rëndë kundër sigurisë së njerëzve dhe pasurisë në komunikacion, është bërë shkelje e parimeve themelore të ligjit mbi prokurorinë publike siç janë : parimi i ligjshmërisë, i paanshmërisë i objektivitetit dhe i mbrojtjes së lirive dhe të drejtave të qytetarëve të cilat inherit janë edhe vlera themelore e kushtetutës së RM.
Ne prokuroret pranë prokurorisë republikane te RM që nga fillimi i shqyrtimit të këtij rasti në prokurorinë republikane kemi pas qëndrim dhe akoma i mbetemi këtij qëndrimi se Aktakuza nr. Ko 697/16 prej 19.12.2016 e prokurorisë themelore të Kumanovës ka korresponduar plotësisht me veprimet e te akuzuarit siç ka qenë fillimisht i akuzuar për vepër penale “Vrasje” e paraparë në nenin 123 alineja 2 pika 3 e Kodit penal të RM.
Këtë qëndrim tonin profesional e kemi argumentuar edhe në kolegjiumet të cilat janë mbajtur në prokurorinë republikane për këtë rast.”
