Rrëshqitja e madhe e tokës paraqet kërcënim për më shumë familje nga fshati më i madh i Rekës së Poshtme, Zhirovnicë, në komunën Mavrovë dhe Rostushë.
Përveç tokës, gurëve dhe drurëve, sipas kryetarit të Këshillit komunal Alil Alili, rrëshqitja e tokës ka shkulur edhe një shtyllë të përçuesit të energjisë elektrike, e cila ka rënë mbi një shtëpi, por për fat të mirë është shkaktuar vetëm dëm i vogël material.
“Banorët e lagjes së poshtme, ku është e pranishme kjo dukuri janë të shqetësuar dhe frikësohen për jetët dhe pronat e tyre, sepse rrëshqitja e tokës ende është aktive”, thotë Alili dhe shton se u nevojitet ndihmë nga kompetentët në nivel qendror.
Potencon se nevojitet ndërtimi i një muri mbështetës me qëllim që të shmanget ndonjë tragjedi më e madhe eventuale, sepse gjatë shirave më të mëdha është e mundur shtëpitë të rrëshqasin.
Ndryshe, për shkak të shkrirjes së dëborës dhe të reshurave të rrëmbyeshme të shiut, në drejtimin rrugor Dibër-Mavrovë, veçanërisht në pjesën rrugore Dibër-Zhirovnicë ka shembje të shpeshta, para së gjithash nga toka gurë, për shkak të së cilës rekomandohet drejtim shumë i kujdesshëm i automjetit dhe respektim të sinjalizimit rrugor.
Nga seksioni i Dibrës të NP “Rrugët e Maqedonisë” nën kompetencë të së cilës është edhe kjo pjesë Dibër-Glloboçicë, drejt Strugës, thonë se ekipet e tyre janë gjatë tërë kohës në terren në pastrimin e shembjeve të dheut, me qëllim të zhvillimit më të sigurtë të komunikacionit.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
