Ministri i Financave, Dragan Antonovski dhe ekipi i Ministrisë së Financave sot pati takim me përfaqësuesin e sapoemëruar rezident të FMN-së në Maqedoni, Sebastian Sosa. Nga Ministria e Financave vlerësojnë se emërimi i përfaqësuesit rezident është në drejtim të zhvillimit të bashkëpunimit midis Maqedonisë dhe FMN-së.
Në takim, siç qëndron në kumtesë, është theksuar se është e qartë se Maqedonia nuk ka nevojë për aranzhman me FMN-në, por prandaj monetarët kanë ndihmë eksperte dhe teknike të cilën mund t’ia ofrojnë vendit në reformat për zhvillimin e financave publike.
Përfaqësuesi i FMN-së në Maqedoni, në takim theksoi se Fondi mund të ndihmojë në reformat të cilat planifikohen, si buxhetim në afat të mesëm, këshilli fiskal dhe rregulla, reforma tatimore, përmes njohurive dhe përvojave të ekspertëve të lartë.
“Sivjet pritet rimëkëmbja e ekonomisë prej efekteve të krizës politike. Projeksioni qeveritar, i cili përputhet me projeksionin e FMN-së është se sivjet ekonomia do të shënojë rritje prej 3,2 për qind, qëndron në kumtesën në të cilën shtohet se në takimin prej ekipit të Ministrisë së Financave është theksuar se për herë të parë pas nëntë vitesh ka zvogëlim të borxhit publik në nivel vjetor.
Ministri i Financave i ka theksuar angazhimet dhe masat të cilat ndërmerren drejt rritjes së transparencës fiskale, e cila luan rol të rëndësishëm në menaxhimin cilësor me financat publike.
Përfaqësuesi rezident në Maqedoni, Sebastian Sosa njëherësh është edhe përfaqësues rezident i FMN-së në Serbi. Fondi ndryshe për dy vjet nuk pati përfaqësues rezident në vend, nga përfundimi i mandatit të Patrik Giton.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
