Rasti i përdhunimit të 13-vjeçares, nën përkujdesjen e Entit për Kujdesin e Fëmijëve me Probleme Edukativo-Sociale “25 Maji”, ende e shqetëson opinionin.
Drejtori i Entit “25 Maji” Stevço Sokolovski dje dha dorëheqje për arsye morale, ndërsa Ministria e Punës dhe Politikës Sociale presin që MPB dhe PSP të ndërmarrin masa në pajtim me kompetencat e tyre, me qëllim që të gjenden dhe sanksionohen personat të cilët e kanë keqpërdorur vajzën minorene.
“Komisioni veçmë konfirmoi se shërbimet profesionale dhe kujdestari i caktuar disa herë i kanë alarmuar institucionet kompetente për eksploatim të mundshëm seksual të R.I.. Tani hulumtohen të gjitha elementet e mbetura për dështim të mundshëm nga ana e kujdestarit të caktuar paraprak”, informojnë nga MPPS-së.
Prej atje paralajmëruan se në mënyrë intensive punon në procesin e deinstitucionalizimit dhe se deri nga mesi i vitit 2018, do të fillojë transformimi i institucioneve për përkujdesje të fëmijëve në rrjet të grupeve të vogla të institucioneve për kujdes.
Kjo reformë, konsiderojnë nga Ministria, do të mundësojë qasje individuale drejt çdo fëmije, kujdesit më të mirë dhe zvogëlim i dukshëm i rrezikut nga ngjarjet e tilla të padëshiruara.
Lidhur me rastin edhe policia në Veles ka parashtruar padi penale kundër djaloshit 18-vjeçar nga Velesi për të cilin ekziston dyshim se ka kryer sulm gjinor ndaj vajzës.
Edhe prindërit e vajzës, e cila mbeti shtatzënë dhe abortoi kërkuan ndihmë nga avokat që t’i ndihmojë për të kthyer kujdestarinë për vajzën e tyre.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
