Pothuajse 100.000 fletëvotime të pavlefshme u numëruan pas rrethit të parë në zgjedhjet vendore. Nga ato, 45.551 ishin për kryetarët e komunave dhe 51,681 për këshillat komunale. Kjo është rritje dramatike e numrit të fletëvotimeve të pavlefshme.
Gjatë analizës së parë të kësaj dukurie, përfundohet se për këtë ka së paku dy arsye. Arsyeja e parë është materiali problematik për të cilin Civili gjerësisht informonte gjatë ditës së zgjedhjeve.
Arsyeja e dytë, edhe më e rëndësishme, është “votimi protestues”, gjegjësisht, anulimi i qëllimshëm i fletëvotimit. Votuesit në atë mënyrë e shprehin protestën e tyre, gjegjësisht, vërejtjen e tyre deri te kandidatët për marrjen e pushtetit në nivel lokal. Nëse ndonjëherë votuesit shpesh votonin “kundër”, dhe jo “për” ndonjë opsion politik, tani shprehin mosbesim ndaj të gjithë pjesëmarrësve në garën zgjedhore.
Në zgjedhjet e parakohshme parlamentare të vitit të kaluar kishte 38. 000 fletëvotime të pavlefshme, numër për të cilin Civili kërkoi edhe ekspertizë të posaçme, por nuk ishte e pranuar. Ky numër tani është vërejtje dramatike e votuesve edhe deri te pushteti lokal. Nga Civili paralajmërohet se analiza e kësaj dukurie do të vazhdojë dhe se do të del me analiza të reja, edhe më të qëndrueshme pas mbarimit të procesit zgjedhor.
Xh. D.
