Sasho Ordanoski, analisti politik dhe anëtari i Bordit të Ekspertëve zë Civilit, në panel diskutimin në mbrëmjen e të dielës, pas mbylljes së kutive votuese, dha këndvështrimin e tij për ditën e votimeve dhe se çfarë mund të presim në skenën politike në periudhën që vijon.
“Nëse tentojmë të bëjmë shtet në të cilin të gjithë do të kenë shanse të barabarta sepse kanë lindur si shtetas të Maqedonisë, dhe jo se i takojnë një etnikumi, fesë ose ndonjë përkatësie tjetër, kjo do të jetë perspektiva e shtetit të Maqedonisë. Ne ecim më tej me këto rezultate. Mbetet të shihet se si do të plotësohet zbrazëtira me ngecjen e Besës. Mendoj se do të ketë më tepër vende në raundin e dytë të votimeve që do të jenë të rëndësishme”, theksoi Ordanoski.
Sipas tij, në periudhën e ardhshme është e mundur që deputetë të VMRO – DPMNE të kalojnë në parti tjera, ose të shkrihen në parti dhe koalicione tjera, ose do të shpallen si të pavarur, që do të sjell deri te rënia e numrit të deputetëve në kuvend, dhe që do ta hap çështjen nëse do të shkohet ose jo në zgjedhje të jashtëzakonshme parlamentare.
“Në parim në politikë ai që fiton me një baticë në raundin e parë, vezhdon të “shkel” edhe nëmraundin e dytë. Trendet janë të atilla që mendoj se do të arrijmë deri të një situatë të kemi një qeveri të qëndrueshme në nivel qendror e cila më tej do të duhet të vendosë nëse do të ketë zgjedhje të jashtëzakonshme parlamentare”, tha Ordanoski, i cili në fillim theksoi se pamë një shtet neutral, por të shkathët.
B.J
