Në pajtim me nenin 8-v të Kodit Zgjedhor, kandidatët e partive politike pjesëmarrëse në Zgjedhjet lokale 2017 për kryetarë komune dhe Qytetit të Shkupit, dhe anëtarët e këshillit të komunave dhe Qytetit të Shkupit, që do të mbahen më 15 tetor 2017, nesër do ta nënshkruajnë Kodeksin për zgjedhje korrekte dhe demokratike.
Me nënshkrimin e Kodeksit, kandidatët, mes tjerash, obligohen se do t’i respektojnë ligjet, rregullat dhe aktet relevante zgjedhore të Republikës së Maqedonisë, se nuk do të kryejnë presione mbi të punësuarit në administratën publike dhe shtetërore, institucionet tjera të financuara nga Buxheti i Republikës së Maqedonisë, të komunave dhe të Qytetit të Shkupit, dhe shoqërive tregtare dhe ndërmarrjeve me kapital shtetëror.
Ceremonitë e nënshkrimit të Kodeksit organizohen nga këshillat e komunave dhe nga Komisioni Zgjedhor i Qytetit të Shkupit. Kandidatët për kryetar të Qytetit të Shkupit, do ta nënshkruajnë Kodeksin në selinë e Komisionit Shtetëror Zgjedhor
