CIVIL Media bisedoi me Goran Trajkov, përfaqësuesin e shoqatës së qytetarëve, të punësuarve në industrinë e lëkurës dhe tekstile “Shumica e qetë – Zëshëm”, për drejtësin.ë sociale he për mborjtjen e të drejtave punëtore.
“Në këtë shtet disa qytetarë janë më të barabartë nga të barabartët, dhe gëzojnë të drejta më të mëdha nga ata qytetarë që janë të rrezikuar në aspekt social, të margjinalizuar dhe të përjashtuar”, tha Trajkov, duke u përgjigjur në pyetjen: Vallë mund të flitet për drejtësi sociale në Shtip?
Prefekti i Shtipit, Illço Zahariev, në intervistën për CIVIL Media, në pyetjen për mbrojtjen e të drejtave të punëtorëve, u përgjigj se punëtorët punojnë në kushte humane.
“Kemi kushte aq johumane sa që punëtorët ushqehen mbi makinat e tyre. Që të flasim për humanitet , së pari duhet të shohim se ku e hanë mëngjesin këta njerëz. Fabrikat nuk kanë menza për të punësuarit. Në këto fabrika nuk ka ushqim për të punësuarit, ndërkohë që kërkohet produktivitet dhe cilësi e madhe nga ata! Punëtorët mundohen me të gjitha forcat të jenë në maje, sepse qepin për klasin e parë, për brende botërore”, deklaroi Trajkov, duke i komentuar “kushtet humane për punë” për të cilat fliste Zahariev.
Trajkov e theksoi edhe rolin e shoqatës “Glasno” (“Zëshëm”) dhe angazhimet e tyre, jo vetëm për mbrojtjen e të drejtave punëtore, por edhe për kyçjen aktive të punëtorëve në jetën kulturore të qytetit.
Biljana Jordanovska
Kamera: Dehran Muratov
Montazhi: Maja Ivanovska
Intervista është pjesë e projektit “Shoqëri pa kufij”, të cilin CIVIL – Qendra për Liri e zbaton me mbështetje nga Fondacioni Gjerman “Hajnrih Bell”. Qëllimi i projektit është promovimi dhe edukimi i qytetareve dhe qytetarëve të Maqedonisë për “Kartën Qytetare”, dokumentin global për avancimin e të drejtave qytetare dhe të pjesëmarrjes aktive të qytetarëve në proceset e vendimmarrjes.
