Të përkujtohemi…5 maj 2015 – protesta kundër brutalitetit, mbaroi me brutalitet.
Ajo që nisi si e qetë dhe dinjitoze, me kërkim të drejtësisë dhe kundër dhunës, mbaroi pikërisht me rrahje të pamëshirshme, dhunë dhe ofendime ndaj demonstrantëve nëpër rrugët dhe parqet e Shkupit, dhe studentëve të bibliotekës “Vëllezërit Milladinovci”, skandal për të cilin informoi CIVIL Media.
Të përkujtohemi!
Në ora 21, persona me “fantomka” në koka dhe gurë në duar u paraqitën me provokime të mjaftueshme të sjellin deri te përkeqësimi i situatës. Mjaftueshëm, që policia e cila duhet ta mbrojë të drejtën e protesës së qetë të qytetareve dhe qytetarëve, të përkulet dhe edhe më me zell të goditë demonstrantët.
Të përkujtohemi!
Rezultati ishte numri i madh i të lënduarve dhe qytetareve dhe qytetarëve të lënduar dhe të arrestuar. U lënduan edhe tre anëtarë të Civilit. Me një nga objektet e forta u godit një vëzhguesje ndërsa një aktiviste e Civilit u godit me shkop gome, derisa presidenti i Civilit i pranoi shkopinjtë e gomës mbi tërë trupin.
Të përkujtohemi!
Vitin e kaluar, 5 maji u shënua me porosinë: Gjaku nuk lahet! Protestë kundër atyre që tentuan të fshehin vrasje.
Këtë vit, të përkujtohemi se është e udhës që vrasësit të përgjigjen për krimet e tyre! Të mos harrojmë, më në fund, se dikush duhet të paguajë për tmerrin nëpër të cilin kaluan qytetarët e Maqedonisë, edhe atë, në emër të drejtësisë, lirisë dhe demokracisë!
Biljana Jordanovska