Pothuajse gjysma nga qytetare/ët (45,2%), vlerësojnë se asnjë shtet në botë nuk është dashamir ndaj Maqedonisë. Këtë disponim pesimist e tregoi anketa e fundit e M-Prospekt, e cila ka për qëllim ta hulumtojë qëndrimin për çështjet lidhur me marrëdhëniet e vendeve tjera ndaj Maqedonisë.
Në pyetjen –Cili vend në botë është më dashamiri për Maqedoninë? – në përgjigjet ka dallime sipas bazës etnike. Maqedonasit janë pesimistë më të mëdhenj, gjegjësisht, rreth 49,8% vlerësojnë që asnjë vend nuk është mik i Maqedonisë, ndërsa de Shqiptarët kjo përqindje është 36%.
Nëse bëhet dallim me disponimin e qytetarëve për këtë çështje në vitin 2013, mund të vërehet se skepticizmi në Maqedoni për qasjen miqësore të vendeve tjera, është rritur shumë. Anketa e realizuar në vitin 2013 ka treguar se vetëm 15,6% vlerësojnë se asnjë vend nuk është dashamir i Maqedonisë.
Nga ata që mendojnë se Maqedonia ka miq, numri më i madh është deklaruar për Turqinë -14,1%. Rusinë si mik të Maqedonisë e shohin 10% të anketuar, ndërsa në SHBA – 6,6%.
Dallimi në përgjigjet, krahasuar deri në vitin 2013, ka edhe për këtë çështje. Atëherë, në tre vendet e para kanë qenë Turqia(16%), Serbia (12%.2) dhe SHBA (8.2%). Rusinë në vitin 2013 të anketuarit e kanë vendosur në vendin e nëntë, që është për shtatë pozita më keq se këtë vit.
Anketa e fundit ka treguar edhe se më tepër se gjysma e qytetarëve mendojnë se BE dhe SHBA duhet ta lënë Maqedoninë vetë të përballet me krizën politike.
Kur është në pyetje BE, 52,8% mendojnë se duhet ta lë Maqedoninë vetë ta vendosë krizën, ndërsa 45,3% janë të qëndrimit se BE duhet të angazhohet më tepër. Rezistenca është më e madhe ndaj kyçje së SHBA. 57% mendojnë se SHBA duhet ta lënë Maqedoninë që vetë ta zgjidh krizën politike, derisa 38,8% mendojnë që SHBA duhet më tepër të kyçet.
Anketa përmes telefonit është realizuar shembull reprezentativ nga 1000 të anketuar, nga 4 deri më 10 shkurti.
