Pas publikimit të Listës përfundimtare të Votuesve mbrëmë, në të cilin sipas të gjitha revidimeve të KSHZ, tani janë të regjistruar 1.531.368 votues në Maqedoni, partia më e madhe opozitare, LSDM, në lajmërim partiak, praktikisht shpreh bindje se votimi në tërësi do ta shpreh vullnetin e qytetarëve.
“Me Listën e mbyllur të Votuesve, Komisioni Shtetëror Zgjedhor ka pohuar atë që LSDM për një kohë të gjatë – se në Maqedoni ka rreth 1.500 000 votues. Në Listën e veçantë të Votuesve janë regjistruar 230.122 votues dhe me këtë janë eliminuar të gjitha mundësitë për keqpërdorimin e këtyre votave”, vlerësojnë nga LSDM.
Mirëpo, një numër i madh i qytetarëve nuk i ndajnë sigurimet e LSDM.
Reagimet deri në CIVIL, për prezencë të “fantazmave” në Listën e pastruar të Votuesve, janë të përditshme. Qytetarët kërkojnë ndihmë në pamundësi t’i “shpërngulin fantazmat”nga shtëpitë e tyre edhe pas paraqitjeve të shumta deri në KSHZ. Ka me qindra paraqitje, mes tyre edhe raste me dhjetëra identitete në të njëjtën adresë, të panjohur për pronarët e shtëpive në adresat e të cilëve këto persona kanë marrë letërnjoftime të vlefshme me të cilat votojnë në zgjedhje!
Përndryshe, përveç 1.532.368 votuesve në Maqedoni, në ekstrakt të veçantë nga Lista e Votuesve, janë regjistruar 230.122 persona, të cilët, sipas të dhënave të KSHZ, janë në punë të përkohshme ose qëndrim jashtë vendit, por të cilët nuk janë paraqitur për votime. Në ekstrakt tjetër janë 20.573 votues jashtë vendit, të cilët janë paraqitur për votime nëpër përfaqësite diplomatike –konsullore.
Në ekstrakte të veçanta nga Lista e Votuesve gjenden edhe 13 persona të shpërngulur brenda vendit, 2.015 persona të cilët janë në paraburgim ose burg, dhe 325 anëtarë të bordeve zgjedhore në diasporë, të cilët do të votojnë në përfaqësitë ose zyrat Diplomatike – konsullore.
Monika Taleska
