Komisioni Shtetëror Zgjedhor doli në publik me deklaratën vijuese:
Komisioni Shtetëror Zgjedhor plotësisht i hedh poshtë dhe i mohon spekulimet dhe kualifikimet të shpallura nga ana e organizatave joqeveritare MOST dhe CIVIL, në lidhje me punën e Komisionit Shtetëror Zgjedhor, ndërsa me qëllim që të zhvlerësohet e njëjta. Apelojmë deri te organizatat joqeveritare që të përmbahen nga komentet dhe shkrimet me qëllim që të ndikojnë mbi punën dhe vendimet e organeve zgjedhore gjatë procesit zgjedhor.
Komisioni Shtetëror Zgjedhor në këtë përbërje, nga zgjedhja e tij në dhjetor të vitit 2015, punon profesionalisht, tërësisht në mënyrë transparente dhe në pajtim me dispozitat pozitive ligjore në Republikën e Maqedonisë. Procesi i pastrimit të Listës Zgjedhore dhe procesi zgjedhor po zhvillohen plotësisht në mënyrë transparente përmes seancave publike dhe formave tjera të komunikimit me publikun, si dhe në përputhje me Kodin Zgjedhor.
Rrjedhimisht, u bëjmë me dije organizatave joqeveritare MOST dhe CIVIL që t’i përmbahen ekskluzivisht Kodit Zgjedhor dhe Kodit për Vëzhgimin e Zgjedhjeve, si dhe statuteve të tyre gjatë dhënies të çfarëdo lloj deklaratave në lidhje me punën e Komisionit Shtetëror Zgjedhor.
Shkup, 4 maj 2016
KOMISIONI SHTETËROR ZGJEDHOR
