Një ekip i CIVIL – Qendrës për Liri, të shtunën pasdite gjeti banorët e Krivogashtanit kryesisht në kafet dhe restoranet e kësaj komune. Ata ishin të befasuar këndshëm nga vizita e CIVIL-t dhe njëkohësisht të hapur për bashkëpunim.Krivogashtanasit u informuan për pin “Përpara!” dhe mundësinë për të qenë vëzhgues objektiv dhe të paanshëm të procesit të ardhshëm zgjedhor.
Në të njëjtën kohë, ekipi i dytë i CIVIL-it ishte në Mogillë, ku edhe gjeti banorët më të moshuar në disa kafene, dhe disa të rinj në një kafeteri me një flamur të shquar të VMRO-DPMNE-së. Banorët e paktë, me të cilët bisedoi ekipi i CIVIL-it, flisnin duke u ankuar se është e vështirë për të jetuar dhe se njerëzit në fshat janë të etur për ndryshime. Ata morën informacion se si mund të bashkohen me ekipin e vëzhguesve të CIVIL-it gjatë zgjedhjeve si dhe për aktivitetet e lidhura me projektin “Përpara!”.CIVIL zbaton monitorim të plotë, gjithpërfshirës, të paanshëm dhe objektiv të përgatitjes dhe rrjedhës të tërë procesit zgjedhor dhe respektimit të së drejtës për të votuar. Janë duke u zhvilluar aktivitete për përzgjedhjen, rekrutimin dhe trajnimin e vëzhguesve afatgjatë, afatshkurtër dhe qytetarë të procesit zgjedhor në Republikën e Maqedonisë.
Projekti zbatohet në nivel kombëtar në 14 qendra rajonale të CIVIL. Projekti “PËRPARA!” është i mbështetur me fonde gjermane nga Pakti i Stabilitetit për Evropën Juglindore.
