Dy ekipet mobile të CIVIL – Qendrës për Liri, gjatë fundjavës e promovuan projektin për vëzhgimin e zgjedhjeve “Përpara” edhe në Resnjë, Strugë dhe Drugovë.
Vizitën e shkurtër në qendër të Resnjës, CIVIL e shfrytëzoi për të diskutuar me bashkëpunëtorët e organizatës, aktivistë të OJQ-ve nga Resnja. Qytetarët në kontakt të drejtpërdrejtë morën rreth njëqind afishe me përmbajtje informative për projektin “Përpara!”, ndërsa banorët e Resnjës, me të cilët aktivistët e CIVIL-it diskutuan në sheshin e qytetit, morën informatat e nevojshme për mundësinë që të jenë vëzhgues afatshkurtër dhe afatgjatë dhe për mënyrën se si të aplikojnë dhe të marrin statusin e vëzhguesit të licencuar.
Në Drugovë seli e ish-komunës me një territor të gjerë, e cila tani është pjesë e Komunës së Kërçovës, ekipi i parë CIVIL bisedoi me banorët e paktë me të cilët u takua të dielën pasdite. Me të marrë ofertën për të qenë vëzhgues qytetarë në zgjedhjet e ardhshme, disa bashkëbisedues kërkuan nga disa afishe informative, me arsyetimin: “Të gjithë do të aplikojmë, sepse të gjithë jemi të papunë!”. Në dyqanet e vogla në Drugovë, bashkëbiseduesit ishin të befasuar nga vizita e aktivistëve të CIVIL, të cilëve me dëshpërim u theksuan se ata janë harruar nga qeveria lokale dhe qendrore, dhe se kjo në veçanti ndikon në jetën e të rinjve, të cilët çdo ditë e më shumë e braktisin Drugovën.
Në të njëjtën kohë, ekipi i dytë i CIVIL e vizitoi Strugën. Në tre rrugët kryesore, shëtitoren buzë Drinit dhe sheshin e qytetit, u shpërndanë disa qindra afishe në gjuhën maqedonase dhe shqipe. Struganët me të cilët bisedoi CIVIL ishin të interesuar për të qenë vëzhgues, por disa prej tyre shprehën mosbesim se zgjedhjet e parakohshme parlamentare do të mbahen më 5 qershor.
