Gjykata Kushtetuese e gjykoi Kushtetutën. Vendimi për të nisur një nismë kundër Ligjit për Falje, sipas të cilit ndalohet falja për persona të dënuar për krim zgjedhor paraqet inkurajim të hapur të atyre strukturave të cilat në mënyrë kriminale i manipulojnë proceset zgjedhore dhe vijnë në pushtet në mënyrë të paligjshme dhe jolegjitime.
Gjykata Kushtetuese do t’i lejojë presidentit Gjorge Ivanov të amnistojë të dënuar për vjedhje zgjedhore. Më saktësisht, me këtë i jepen kompetenca për të falur kriminelët zgjedhorë njeriut, i cili funksionin e kryetarit e ka “fituar” në zgjedhje jolegjitime.
Përveç se është nën kontroll nga partia në pushtet, nga ky veprim i turpshëm i Gjykatës Kushtetuese nxirret edhe përfundimi se të akuzuarit për krime të lidhura me proceset zgjedhore janë duke u përgatitur për të shkuar në burg.
CIVIL – Qendra për Liri e thërret Gjykatën Kushtetuese të rishqyrtojë këtë vendim dhe t’i japë hapësirë sundimit të ligjit, demokracisë dhe respektimit të të drejtave dhe lirive të njeriut. Gjykata Kushtetuese duhet të jetë rojtar i të drejtës së votimit, e cila është një e drejtë themelore e njeriut, e jo të zhvleftësojë atë.
