Kryetari i Partisë Liberale (PL) Ivon Veliçkovski, një orë pas kumtesës së CIVIL – Qendrës për Liri të titulluar “Të ndalim agoninë”, e vizitoi selinë e organizatës. Veliçkovski, në takimin me kryetarin e CIVIL-it Xhabir Derallën, shprehu përkrahjen e tij dhe pajtimin me pikëpamjet, analizat dhe rekomandimet e organizatës.
Ai theksoi se në periudhën e kaluar Partia Liberale në shumë raste në opinion ka dalë me qëndrime të ngjashme apo edhe identike mbi gjendjen dhe ka shpallur propozime për zgjidhjen e krizës politike në vend. Edhe sot, përfaqësuesit e lartë të PL dhe CIVIL, gjatë takim të shkurtër shkëmbyen mendime, qëndrime dhe njohuri për situatën politike dhe proceset në kontekst të zgjedhjeve të parakohshme parlamentare në Maqedoni.
Veliçkovski ua prezantoi përfaqësuesve të CIVIL “Nismën Liberale për Maqedoninë si duhet të jetë”, dhe tha se pika e fillimit për këtë iniciativë është qëndrimi se “nuk ka ‘pazarllëqe’ për lirinë e çdo zyrtari publik që e ka thyer ligjin në tetë vitet e fundit dhe më parë. ”
Ndër të tjera, si pjesë e prezantimit të nismës, u komunikua edhe qëndrimi se për Maqedoninë, është e nevojshme të fillohet “lufta kundër korrupsionit kudo, duke përfshirë edhe qarqet e larta politike. Askush nuk mund të gjykohet për dyshim të shprehur publikisht për korrupsion në pushtet”.
