Këshilli për Etikë në Media sot lëshoi kumtesë me të cilën fton gazetarët dhe redaktorët të synojnë informimin profesional dhe mbrojtjen e profesionit, nëpërmjet të shërbimit vetëm ndaj interesit publik dhe respektimit dhe zbatimit të parimeve për raportim profesional të përfshira në Kartën e Raportimit Etik , të cilën e nënshkruan pjesa më e madhe e mediave në Maqedoni.
Pesëdhjetë reagime dhe ankesa për shkelje të Kartës dhe Kodit të Gazetarëve në media, ku mes atyre ndaj të cilëve janë ngritur ankesat janë edhe media – nënshkruese të Kartës, kanë arritur në adresën e Këshillit për Etikën në Media.
“Në të njëjtën kohë, kumtojmë se procesi i pranimit dhe nënshkrimit të Kartës është ende i hapur dhe i ftojmë edhe ato media që deri tani nuk janë bashkuar në këtë iniciativë për ta bërë këtë në emër të nevojës për angazhim të përbashkët për krijimin e gazetarisë së pavarur në vend “, thuhet në kumtesën e KEMM.
Këshillit i Etikës apelon për informim të ndershëm, korrekt dhe të përgjegjshëm, e jo informim i manipuluar prej burimeve tv informacionit dhe i kompromentuar nga interesat personale,
“Të shërbyerit e publikut nuk nënkupton botimin e gjysmë të vërtetave, anashkalimin me vetëdije të temave dhe ceshtjeve të rëndësishme dhe nxjerrja e pretendimeve të rrejshme për shkak të torturës morale të individëve, grupeve apo institucioneve. Informimi i njëanshëm dhe informatat e gabueshme duhet të mënjanohen, e gabimet të korrigjohen”, thekson KEMM.
