Të shtunën para Qeverisë të Republikës së Maqedonisë rruga ishte përplot me çifte këpucësh të vjetra – simbol i të gjithë qytetarëve dhe qytetareve që u larguan nga vendi dhe ikën në shtete të huaja, si pjesë e ngjarjes “Sa këpucë kanë mbetur të pambajtura”.
Me performancën creative, qindra qytetarë të organizuar nga iniciativa “Meritojmë më mirë”, protestonin para qeverisë, për shkak të faktit tragjik se nga Maqedonia u larguan rreth 600 mijë qytetarë dhe qytetare, zakonisht me biletë njëkahëshe.
Ines Efremova nga iniciativa qytetare, deklaroi se me vendosjen e këpucëve të vjetra para qeverisë, duan t’i theksojnë reformat e këqija dhe politikat e qeverisë, të cilat i detyruan qytetarët, veçanërisht të rinjtë, të ikin nga atdheu i tyre,të largohen jashtë vendit për një të ardhmëri më të mire.
Nga iniciativa “Meritojmë më mirë”, thonë se këpucët e mbledhura që janë ende në gjendje të mirë, do t’i dorëzohen organizatës joqeveritare “Legis” për t’u shpërndarë emigrantëve që vijnë në Maqedoni.
