PËRPARA! është një projekt kompleks dhe shumëdimensional për monitorimin afatgjatë të procesit zgjedhor, transparencën e financimit të partive politike, mobilizim, vëzhgim në ditën e zgjedhjeve, edukim dhe ngritje të vetëdijes për të drejtat e votuesve në Republikën e Maqedonisë. Projekti përbëhet nga tre komponentë kryesore: A. Mobilizim dhe trajnim; B. Monitorim, analiza dhe rekomandime; C. Rritja e vetëdijes. Projekti gjithashtu përfshin një numër të segmenteve të ndërlidhura të projektit dhe një sërë aktivitetesh plotësuese që kombinojnë metodologji dhe qasje të ndryshme.
Projekti do të trajnojë dhe angazhojë rreth 200 mbikëqyrës, një ekip të analistëve dhe ekspertëve dhe rreth 1.000 vëzhgues qytetarë. Projekti do të arrijë deri te mbi 200.000 votues në një fushatë të përditshme në terren dhe në internet, si dhe përmes komunikimit të drejtpërdrejtë me qytetarët.
Projekti do të zbatohet në nivel kombëtar, nëpërmjet formimit të ekipeve që veçmë po monitorojnë të gjitha komunat në vend, bazuar në 14 qendra rajonale: Shkup, Kumanovë, Veles, Tetovë, Gostivar, Kërçovë, Ohër, Prilep, Manastir, Gjevgjeli, Strumicë , Shtip, Kavadar, Koçan.
Implementimi i projektit ka filluar në janar dhe do të zgjasë shtatë muaj. Ai është i financuar me fonde gjermane nga Pakti i Stabilitetit për Evropën Juglindore.
