Ekspozita “Ana Frank – “Histori për sot” do të hapet në Qendrën Memoriale të Holokaustit të hebrenjve nga Maqedonia, sot në orën 19.
Qëllimi i kësaj ekspozite është që t’ju jepet nder të gjithë viktimave të Holokaustit, duke përfshirë 7,144 hebrentë e Maqedonisë, të cilët u deportuan në vitin 1943 dhe u vranë në kampin “Treblinka.”
Ekspozita është pjesë e projektit “Historija, Istorija, Povjest – Lessons for Today”, organizuar nga Forumi Rinor për Arsim dhe Shtëpia e Ana Frankut nga Amsterdami, në bashkëpunim me Qendrën Memoriale të Holokaustit të hebrenjve nga Maqedonia, e mbështetur nga Bashkimi Evropian dhe Ambasada Holandeze në Maqedoni.
Projekti “Historija, Istorija, Povijest – mësime nga e tashmja”, ka për qëllim të nxisë diskutimin për ngjarjet e fundit në Ballkanin Perëndimor, të cilat janë shkak për ndarje të ndryshme dhe gjenerim të konflikteve. Duke promovuar të menduarit kritik për ngjarjet dhe ndodhitë historike dhe rëndësinë e tyre në kohët moderne, qëllimi i Ana Frank House (AFH) dhe partnerëve është që të arrihet pajtimi përmes dialogut për një të kaluar të përbashkët.
Shtëpia e Ana Frankut në Amsterdam pranon mbi një milion vizitorë çdo vit.
