Me rastin e tekstit “Prilep: Propagandë partiake dhe manipulim me të mitur”, të botuar më 31 janar, Marija Tashkoska, nga Departamenti për Marrëdhënie me Publikun të Komunës së Prilepit, autorit të tekstit, Bozhidar Barllakoski, i ka dërguar demant, të cilit në tërësi po e publikojmë:
Prioriteti kryesor i periudhës së kaluar dhe në të ardhmen i pushtetit lokal do të jetë investimi i vazhdueshëm në objektet shkollore për fëmijët që të kenë kushte sa më cilësore për arsimimim dhe zhvillim të vazhdueshëm, e jo mbledhje të poenave politikë – siç po do ndokush ta paraqesë këtë.
Këtë e kemi dëshmuar në dhjetë vitet e fundit me investime prej më shumë se 10.000.000 eurosh në arsim.
Sa i përket shkollës rajonale të apostrofuar në lagjen “Varosh” e cila ekziston që prej vitit 1926 dhe në të cilën deri para dhjetë vitesh asgjë nuk është investuar, ky pushtet lokal me mjetet e buxhetit komunal investoi në:
– vitin 2008, me mjete të pushtetit lokal janë sanuar sanitaritë dhe tavani në një klasë në lartësi prej 1.800.000 denarësh.
– vijoi rindërtimi më i madh i shkollës me ndërrim të zdrukthëtarisë së jashtme dhe rindërtim të plotë të çatisë së Varoshit, që është bërë në vitin 2013 me mjetet e pushtetit lokal të Komunës së Prilepit në lartësi prej 2.000.000 denarësh.
– vitin 2014, tërësisht janë meremetuar muret e klasave, janë ndërruar dyshemetë dhe fasada e shkollës. Shkollës iu është ndryshuar pamja.
– vitin 2015 – për herë të parë është instaluar sistemi për ngrohje qendrore me karburant të lëngshëm në lartësi prej 450.000 denarësh, sërish me mjetet e pushtetit lokal të Komunës së Prilepit, e gjithë kjo me një qëllim të vetëm – arsim cilësor.
Fotografitë e apostrofuara se pikërisht prej këtyre ngjarjeve të realizimit të projekteve të suksesshme që janë të një rëndësie të madhe për banorët e kësaj lagjeje dhe nuk do të ndalemi këtu, po edhe për këtë vit planifikojmë të realizojmë projekte të reja dhe së bashku me nxënësit e banorët e kësaj lagjeje do ta shënojmë përfundimin e tyre dhe lëshimin në përdorim.
Mendoni se kush këtu po bën politikë. Ata që publikojnë tekste të këtilla apo ata që ndërtojnë, rindërtojnë shkolla dhe lëshojnë në përdorim projektet e premtuara?
Komuna e Prilepit